De Sommer isch döre
ond di chalte Löft chönd scho hönne vöre.
Buure ond d'Senne sönd scho im Tal;
hebschtele tuets öberall.
De Juni isch zwor nass gsee;
im Grosse ond Ganze mos me glich zfrede se.
Schöni Öberefahrede hemme döre erlebe
ond de Senne e Gläsli Wii usihäbe.
Me vom Rössli a de Wissbadstross ,hend Freud a de Senne;
eso leent me denand au chenne.
Seis vom Doof, Gonte, Schwendi ode Brölisau
ond jetzt fahrid's scho a d'Vechschau.
Alli suber potzt ond gstrählet;
Prisrichter tüend Pünkt vertäle.
Me hässid alli Buure, häss er Sepp , Bisch oder Jock,
wöllkomm zom Vechschauhock.
Me chönd nüd alli einzel ufzölle,
tüend Eu efach wellme eeol offe hend ganz guet stölle.
Denn chame öbe d'Vechschau ond de vegange Somme schwätze,
ond Gmüetlichkeit tuet me schätze.
Kapöll Chüeisgruess trägt ab em Obed am achti de zue bei
as au jo niemedem langwielig sei.
Me hoffid d'Rösslistobe sei gföllt, zahlrich,
wenns eng wed isch au glich.
Me tüend efach nöcher zeme rotsche;
vo ös us dörid e lang hocke.
E schöni Vechschau, guete Zit ond en schöne Gruess
wöschid eu d'Sylvia ond de Alois vo de Wissbadstross